Si Mamang Pulis

                         Si Mamang Pulis
                                                 ni: Darwin Carpio
         Isang araw may isang lalaki na nagpunta sa palengke upang mamili ng mga kakailanganing gamit para sa kanyang pagkakarpintero.Nang matapos na siyang bumili at mabayaran ito ay nagmamadali siyang umalis ,dahil madalang lang ang sasakyan papunta sa kanilang baryo.Dahil dito,nabangga niya ang isang pulis.Agad humingi ng paumanhin at ipinaliwanag na nabungo niya ito dahil sa pagmamadali.Nang makalayo na siya ay napansin niyang sumusunod ang pulis ng kanyang nabangga.Sa takot na siya ay maabutan,binilisan niya ang kanyang lakad.Iniisip niya kung malaking kasalanan ba ang makabangga ang isang pulis.Kanya ring naiisip kung may nagawa ba siyang krimen dahilan para habulin siya nito.Ngunit wala!Walang sapat na dahilan.Kung ang dahilan ay dahil nakabangga niya ang pulis,napakababaw naman ata niya ito .Binilisan niya pa ang paglalakad.May sinasabi ang pulis ngunit di niya maintindihan.Litong lito ang kanyang utak.Lakad takbo na ang kaniyang ginawa.Hingal na hingal na siya.Malayo na din siya sa paradahan ng sasakya papunta sa kanila subalit wala siyang magawa dahil baka maabutan siya ng pulis. Ngunit kahit anong bilis niya ay naaabutan pa rin siya nito.Agad na hinawakan ng pulis ang kanyang braso.Napatigil siya.Takot na takot.Malamig ang pawis at nanghihina na ang kaniyang mga tuhod.Nang biglang nagsalita ang pulis at nasabing"manong ang wallet mo.Di sinasadyang mahulog nung nabangga mo ako."Nang marinig ito ay nakahinga siya ng maluwag."Salamat"ang kaniyang sabi"kung di dahil sayo ay baka  di ako makauwi",dagdag pa nito.Lubusan siyang nagpasalamat sa pulis at nagpaalam na din ito.Agad agad niyang tinakbo ang paradahan.Salamat na lamang at may sasakyan pa.
        Nang makasakay na nga ang lalaki,gumaan na ng tuluyan ang kaniyang pakiramdam habang pasimpleng napapangiti dahil sa nangyari.At sa tahanan ng lalaki nai-kwento niya ito sa kanyang pamilya ang nagaganap sa kaniya kanina sa palengke,Hahahaha sabay sabay napatawa ang kaniyang mga anak at kanyang asawa.Pagkalipas nga ng isang linggo,kinakailangan na naman ng lalaki na pumunta s apalengke upang mamili muli ng kaniyang gamit sa kaniyang pagkakarpintero.Di sinasadyang magkatagpo ang dalawa,ang lalaki at si mamang pulis.Parehas napangiti ang dalawa .At humingi ng paumanhin ng lalaki sa pulis dahil sa kaniyang inasal nuon.At sa araw na yun masaya silang nag uusap at nag kwekwentuhan at sa araw na rin iyon naging matalik na magkaibigan silang dalawa.
At sa palaging pagpapalengke ng lalaki ay palagi na rin silang nagkikita.Masaya ang lalaki dahil sa nagkaroon siya ng isang mabait na kaibigan na pulis.

Ang Magulang                                                                                                                                                                                                                           
ni Darwin Carpio

Ang aking magulang tunay kay dakila
Dahil sila samin ay nag-aalaga
Mula pagkabata hanggang sa pagtanda
At sa amin sila'y hindi nagsasawa

Ang aking ama ng aming sambahayan
Ang nagtataguyod sa aming kailangan
Naghahanapbuhay kahit mahirapan
Maibigay lang aming pangangailangan

Kanyang ginagawang araw kahit gabi
At ang puyat man ay isinasantabi
Maibigay lang ang aming minimithi
Tunay na siya,sa amin ay mabuti

Ang aming ina na aming sambahayan
Siya ang naiiwan saming tahanan
Madalas man na kami'y mapagalitan
Ito'y para rin sa aming kapakanan

Siya ang aming gabay sa landas ng buhay
At sa aming pagtulog ay nagbabantay
Pag kami'y lumuluha, siya'y dumadamay
At tunay na kay buti ng aming nanay

Anuman ang mangyari sa mundong ito
Pagmamahal nami'y hindi magbabago
Para sa amin sila aming hero
Tunay na pagmamahal,aming natamo

Oh Giliw ko
ni Darwin Carpio

Pag-ibig ko sayo tunay at totoo
At wala nang hihigit,sayo giliw ko
Ikaw na ang buhay ko dito sa mundo
Sa habang buhay ikaw lang ang mahal ko

Araw-araw ikaw lang gustong kasama
Gusto kong lagi ng kapiling ka sinta
Sa pag-gising,ikaw lang gustong makita
At sa pagtulog gusto kong katabi ka

Hindi ko kakayanin na mawala ka
Dahil buhay ko'y mawawalan ng sigla
Kasi pangarap ko na pakasalan ka
Nang sa gayon habang buhay kang kasama.